توفى امس ثلاثة مواطنين فى طابور العيش
و بذلك ارتفع عدد ضحايا طابور العيش الى3625
مواطن و ذلك بعد اضافة الدمغة و الطوابع
ــــــــــــــــــــــــــــــــــــــــــــــــــــــــــــــ
مع ارتفاع عدد الكاريكاتيرات اللى تنتقد طول
رئيس الوزراء , تقرر و بصفة نهائية
اعدام اى مواطن يقل طوله عن متران
و ذلك لتوحيد طول المواطنين عملا بمبدأ
المساواة فى الحقوق والواجبات
ــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــ
بعد ارتفاع الاسعار و ان اصبح كل المواطنون
على الحديدة , تقرر بيع الحديده ايضا
و ذلك حتى لا يوجد منافس لأحمد عز
ـــــــــــــــــــــــــــــــــــــــــــــــــــــــــــــ
قرر احد المواطنين مشاركة الشرطة فى الاحتفال
بأعيادها فذهب الى شقه و كسر الباب وقام بضرب
زوجتة واطفالة و قام بتفتيش الشقة ثلاث مرات
وقام باعتقال احد ابناءه!!!!
ــــــــــــــــــــــــــــــــــــــــــــــــــــــــــــ
بعد الغلاء الفاحش , قررت رئاسة الوزراء
توزيع احزمة مستوردة كلفت الدولة حوالى55
مليار دولار على المواطنين
على ان يتم اذاعة اغنية شد الحزام على وسطك
يوميا بمعدل 3 مرات فى الدقيقة
لتذكرة المواطن بالحزام
ــــــــــــــــــــــــــــــــــــــــــــــــــــــــ
بسبب حالة الجوع الذى يعانى منها الشعب
لم تقبل حكومتنا معونة ادوية من امريكا
و ذلك لان جميعها تؤخذ بعد الاكل
ــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــ
في المدرسه استاذ الحساب بيسال التلميذ بتاعه
لو باباك استلف الف جنيه من البنك والف جنيه تانيه من جاركم
يبقى هيرجع كام الف
التلميذ: مش هيرجع حاجه يا استاذ
الاستاذ: يا ابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اقعد يا ابني انت متعرفش حاجه في الحساب
التلميذ: انت اللي متعرفش حال البلد
ـــــــــــــــــــــــــــــــــــــــــــــــــــ
فى ظل احوالنا الاقتصادية
و نجاح الحزب الوطنى فى ادارة البلد
قررت لجنة داخل الحزب
بجعل اغنية بمبى لسعاد حسنى
الاغنية الرسمية للحزب
ـــــــــــــــــــــــــــــــــــــــــــــــــــــ
قمة الهدوء.......... انك تسمع شريط فاضى
وقمة الرخامة ..... انك تقلب الشريط
وقمة التناحة....... انك تعيد حتة عجبتك
و قمة الجنان .......ان يبلغ عنك احد جيرانك
بتهمة الازعاج
قمة الظلم..........ان يتم القبض عليك بهذة التهمة
وقمة الاجرام..........ان يتم تعذيبك للاعتراف بالتهمة
17 التعليقات:
نوادر شديدة لأنك محامي وما تخاف
لكن بها جهد واضح وفعلا مضحكة
أضحك الله سنك ياحسحس وحلوة حكاية الشريط الفاضى دى
صباح التهييس يا عم سحس
وكما قال الراجل الكويس :
لو لم أكن مصريا مكانش هيحصل أي حاجة ... أكيد هيكونلي جنسية تانية .
أستاذي الدكتور: إيهاب
أنا في قمة السعادة لتعليقكم الأول
ونورت المدونة
دايما تفكرني أني محامي
وجزاكم الله خيراً
أي خدمة يا عم أحمد هجيبلك الشريط ده هدية فرحك أصل الشريط ده عجيبني جداً
التهييس محتاج كباية شاي يا عم أبو أسامه
عقبال ما أشوف أسامة أبنك في المستقبل البعيد إن شاء الله
قول يا رب
قرر احد المواطنين مشاركة الشرطة فى الاحتفال
بأعيادها فذهب الى شقه و كسر الباب وقام بضرب
زوجتة واطفالة و قام بتفتيش الشقة ثلاث مرات
وقام باعتقال احد ابناءه!!!!
---
هههههههههههههههههه
ههههههههههههههههه
---
صباح الامتحانات يا ريس
أعانك الله
وأسعدك كما أسعدتنا بطرفك هذه
أنا خلصت أمتحانات يا عم خبيب
مستنيك تفرجني علي شغلك يا ريس
):):):):):) هههههههههههههه
رائعة ... رائعة جدا ..رائعة جدا جدا ماشاء الله
مهنة شااااقة تحتاج الكثير من (الجَلد)قوة التحمل بالتأكيد أعانكم الله
أضحك الله سنك..لكن نحن فى ايجيبت وحيطان المدونات لها ودان
جزاكم الله خيرا
بصراحه مكسوفه اضحك
بس من جوايا عايزه اضحك
__________________
بس كده إن شاء الله غالبا حيتم إعدام البنات المصريات كلهملأنهم كلهم تحت المترين
و لله الحمد معدش حيكون فى كليبات من إياها
دى احسن حاجه
الأخت خديجة عبد الله
جزاكم الله خيراً
ونسألكم الدعاء فكل المهن بالتأكيد شاقة
إحنا في مصر صحيح
وحطان المدونات ليها ودان صحيح
وهل يضر الشاة سلخها بعد زبحها
الأخت أم حبيبة نورت المدونة بأول تعليق
ــــــــــــــ
و لله الحمد معدش حيكون فى كليبات من إياها
إن كان هذا هو الهدف من قانون تحت المترين فنيتهم خير طبعا
جزاكم الله خيراً علي تعليقكم
أضحك الله سنكم
.. يارب نبطل ضحك على النوع ده من الطرف .. ربنا يتوب علينا
جزاك الله خيرا
الأخت نور
جزاكم الله خيراً علي الزيارة الأولي لمدونتكم
ـــــــــــــــــــــــــــــــــــ
اللهم تب علينا لنتوب
ههههههههههه
الواحد مش عارف يضجك ولا يبكى على حال البلد
بس حقيقه انت جبتها بطريقه فيها معلمه
منه لله اللى كان السبب
الأخ الكريم أوعي تفكر
صدقت الحال يبكي ومايفرح حد
ــــــــــــــــــ
جزاكم الله خيراً علي زيارتكم الأولي
نرجوا دوام التواصل
ههه هئ هئ هئ هئ ه
مش قادر
هموت من الضحك
هاهاهاها
بصراحة مش لاقي حاجة أقولها إلا
جزاكم الله خيرا
و
أضحك الله سنك
Post a Comment